النوايا الطيبة وحدها لا تكفي

من قال ان من مات قد مات؟
الموت ليس عدم
من يفهم تواصل الأرواح هذه الأيام؟
أول أمس قلت لأخي في التليفون معادلة ميكانيكا
طلعت قلتها غلط
دادي الله يرحمه جالي امبارح صالحالي في حلم و فكرني بنصها التاني
لما شرحالي زمان قالي:
اه المعادلتين ايه الأول
work=force*distance
power=work/time
يعني متعقديش تزقي في شجرة لحد ما يتقطع نفسك و متتحركش الشجرة و لا ميلي، الزق ده هو الforce
كده الproduct “المنتج” “الشغل” ال work يساوي صفر صفر كبير
و تقعدي بعدها تحت الشجرة تتظللي و تقولي أصلي تعبت، أنا عملت اللي عليا
الموضوع له تكملة و مش بيخلص علي كده
بيكمل ان الpower يساوي الشغل علي الوقت
لو “الشغل” صفر يبقي “القوة” “الطاقة” صفر و “الوقت” راح سدي
———————————–
الله يرحمك يا دادي
و كمان كان دايما يقول:
الكرة اللي برة ال3 خشبات مهما كانت حلوة ..مش جون و محدش بيفتكرها و لا بيجيب سيرتها و بتموت مع الزمن
———————————
النوايا الطيبة وحدها لا تكفي
أنا علي حافة الجنون
إحساس عظيم بالفشل الذريع
محدش يسلفني شوية وقت و الأهم من الوقت شوية تركيز 🙂

“Alexander:I shall not be remembered not for what I am but for what I do.
Queen Mother: But what you do, makes you what you are.”

“Alexander: Doing Doing Doing is all what matters in this world”

طيب لازم أبدأ في كتابة كتاب “حكاياتي مع دادي” بأي ثمن
يا رب وفقني لما تحب و ترضي يا رب

“اللهم انا نسألك توفيق أهل الهدي و أعمال أهل اليقين و مناصحة أهل التوبة و عزم أهل الصبر و جد أهل الخشية و طلب أهل الرغبة و تعبد أهل الورع و عرفان أهل العلم حتي أخافك
اللهم إنى أسألك مخافة تحجزنى عن معاصيك ، حتى أعمل بطاعتك عملا ً استحق به رضاك وحتى أناصحك بالتوبة خوفا ً منك ، وحتى أخلص لك فى النصيحة حبا ً لك ، وحتى أتوكل عليك فى الأمور كلها ، حسن ظن بك ، سبحان خالق النور ” .

Leave a Reply

This site uses Akismet to reduce spam. Learn how your comment data is processed.